الجمعة، 4 ديسمبر، 2009

ساباجورا.......قرية قرشه النوبيه

قرية قرشه هي أحد قري منطقه الماتوكيه"الكنوز" ف النوبه و هي احدي قري شمال النوبه ، لقرشه اسم قديم وهو كيشي و قبله كان اسم اخر وهو سابقوره أو ساباجورا و هوأسم ملك قديم عاش في هذه المنطقـــة منذ زمن بعيد وأطلق أسمه وبسط نفوذه وسيطرته عبر مراحل من التاريخ الأدني والقديم وظل الناس يرددون أسمه بعد وفاته حتي تغير أسم سابقورة إلي قري الشاه بعد انتهاء العصر الفاطمي في مصر والنوبة ومع الأيام تغير إلي منطقة عون اللاب وأمنة اللاب وكانت المنطقة تتكون من جزءين الشرق والغرب وبعض النجوع التيكانتا منتشرة حولها في ذلك الزمان . ومع مرور الأيام سميت هذه المنطقة منطقة قرشــــة وكانت تسمي باللغة النوبية kashay maltey و kashay tangar أي قرشة شر ق وقرشة غرب أي غرب النيل في الجهة المقابلة والتي سميت بعد ذلك جرف حسين التي كانت جزء من منطقة قرشة سابقاً .
يتنمي ابناء ساباجورا إلي الشـــــريـــف عون الله بن الأمير نجم الدين بن رضوان بن علي بن سراج و الذي يمد البعض نسبه إلي فاطمه الزهراء بنت سيدنا محمد "ص" .
تنقسم قرشه إلي 6 بطون و هي "العلياب و الجوهراب و الشدناب و الدنجراب و المكناب و الحجناب" و تعتبر الجواهراب هي أكبر بطون قرشه "حسب كلام الكبار ف قرشه دون إحصاء رسمي" لكن العمده الحالي و منذ فتره طويله يتم إختياره من العلياب و التي أتشرف بالإنتماء إليها و كذلك أغني رجال قرشه من العلياب و اقوي رموزها.
من رموز قرية قرشه:

1- الشيخ أحمد عباس رحمه الله.....شهبندر التجار و شيخ المزارعين
2-عمرو عثمان خضر.....باحث ف التراث النوبي و كاتب مقالات و مديرا لتحرير جريدة "رسالة جماعة" بكلية التربية جماعة الملك سعود بالرياض
3-صلاح عبد الكريم ....مغني
4-عابدين إسماعيل .....عمدة قرشه ف الستينات و اواخر الخمسينات و صاحب لقب عمدة عمد النوبه
5_جميل حسين ....احد شهداء حرب 1967
6_حسن عبد العزيز .......احد شهداء حرب 1973
7_أحمد بحر......مغني فريق بلاك تيما
8- فيكا....مغني
9-عثمان توفيق....فنان و عازف دف
10-يسري عبده محمود.... مستشار وزير الطيران المدني للشئون المالية والتجاريه
11-يزيد عبد الوهاب.........مدير الإداره التعليميه ف نصر النوبه
بالتأكيد هذه ليست كل الأسماء فذاكرتي تخونني و لا أستطيع تذكر الجميع و لكن قرشه ذاخره باأبنائها الابطال و الرموز علي مستوي النوبه بأكلمها و مصر و السودان و الوطن العربي أيضا.....لم أكتب الاسماء بالترتيب و اتمني الا يغضب مني أحد لأن اسم شخص ما جاء قبل أسمه او غير ذلك و انا واشق ان اهلي و ناسي و رفاقي ف قرشه لن يغضبوا مني ابدا.
























هناك 18 تعليقًا:

  1. معلومات جيده اول مره نسمع بها..ولكن عايزين نعرف
    البلد اللى منها وزير الدفاع ..ومحمد منير ومحمد شمندوره
    وهكذااااااااا
    ولك اللشكر..

    ردحذف
  2. مساااااااء الخيرررررررر
    انا جه اهو
    طلعت لك زي العفريت
    اولا البوست جميل ومفيد
    وكل كلمه في مفيده وبشكرك عليه

    هو انت مهندس ديكور

    بالنسبه للعيد عملت ايه في النوبه وايه عادات اهل النوبه في العيد

    حمد الله علي السلامه

    ونورتك عارفه
    ههههههه
    تحياتي

    ردحذف
  3. بالنسبه لمحمد منير فهو من قري الفادكات من قرية منشية النوبه و دا لينك لقصو حياته كامله من الموقع الرسمي له
    http://mshwarmounir.com/website/arabic/index.html
    بالنسبه لوزير الدفاع فأنا مش عارف لكن والده فقط نوبي و والدته مصريه و لكن لااعرف قريته تحديده

    ردحذف
  4. ربنا يخليكي يادنيا يارافعه روحي المعنويه
    اي نعم مهندس ديكور او بمعني ادق مصمم داخلي
    بتسألي ليه؟؟؟يارب تكوني عاوزه تعملي شقتك
    بالنسبه للعادات النوبيه فانا جاي شايل علي قلبي صور و فيديوهات صورتها بالكاميرا بتاعتي قبل اما تبوظ ف اخر يوم ف الرحله هناك و صورت افراح و بيوت و شوارع و حكاوي ...ان شاء الله هانشرها كلها ع المنتدي و الصور اللي ف البوست دا من متحف النوبه ف اسوان عن قريتنا العزيزه
    الله يسلمك
    شكرا تحياتي

    ردحذف
  5. جميل اوى اعتزازك باصلك يانوبى

    ردحذف
  6. صباح الخير
    لأ بجد انا مبسوطه انك بتعرفنا بالوطن
    احنا المصريين عندنا عيب كبير
    لو ساكن في شارع مابتحبش حتي تطلع منه
    عكس شباب بره تلاقيه جايبها من الشرق للغرب
    مستفيدين من السفر وفوائده

    وفداك الكاميرا معلش صلحها تاني
    وايه المنتدي ده؟
    تحياتي

    ردحذف
  7. حلم بيعافر
    ربنا يخليك ياكبير....اعتزازنا باصولنا الحقيقيه هو السبيل الوحيد للوقوف ف مواجهة غزو العولمه الامريكاني
    تحياتي لك ياصديقي

    ردحذف
  8. عندك حق يادنيا ...احنا شعب كسلان بطبعه و مابيحبش اي نوع من انواع التغير والسفر تغير كبير بالنسبه له و خصوصا لما تقولي لواحد مصري من بتوع المدينه انه يزور قريه و قريه نوبيه كمان اكيد مش هايوافق
    الكاميرا بإذن الله تتصلح و تكمل معايا المسيره
    بالنسبه للمنتدي فأنا أسف كان قصدي المدونه بس تقريبا كنت بفكر ف حاجه تانيه خالص
    تحياتي

    ردحذف
  9. مساء الخير
    ممكن ارد عليكم انتم الاتنين
    انا مش بحب السياسه خالص
    ومش بفهم فيها
    لكن عااااايزه ارد عليكم بقي
    يساري
    العنصريه ليها اسباب كتير وكلها متوفره عند الجنس الغير عربي اكتر من العرب
    من اهم اسباب العنصريه عند الغرب انهم حاسين وواثقين انهم احسن خلق الله واننا لازم نكون عبيد عندهم ويجربوا علينا ادويتهم الفاشله
    كان في دكتور بياخد الدكتوراه في البلد اللي كنت فيها
    اتقال له هتمشي تروح للجهله دول مش هيقدروك وتعبك هيروح علي الفاضي ومش هتقدر تعمل ابحاث خالص هناك وهتتحول لمدرس يلقن تلاميذ اغبياء منهج غبي ليتخرجوا اغبي مما دخلوا الجامعه

    زي اليهود عنصريين علشان متوهمين انهم شعب الله المختار وعلي فكره اليهود بيبصوا لأي جنس اخر حتي للأمريكان انهم عبيد عندهم
    اما الارهابيين العرب دول مش عنصريين دول نص مش ارهابي وبيحارب في فلسطين عايز حقه
    والنص التاني معمول له غسيل مخ علشان يحقق اهداف وراها صهاينه اصلا وبيقولوا له هتدخل الجنه
    مواطن مصري
    كل الغرب عنصرييين قله قليله منهم همه اللي مش عنصريين ولو رحت اي بلد غربي او امريكاهتشوف بعينك بيتعاملوا مع السود ازاي

    بس خلاص
    تحياتي

    ردحذف
  10. مساء الخير
    انا انا
    هوافق لوعزمتني علي قريه نوبيه
    هجيب العيله كلها
    واجي
    انا بحب الاقصر واسوان جدا
    لما بروح هناك بحس براحه
    بحس ان دي هي مصر
    وهو ده شعب مصر
    اللي عمل ده كله

    مش الكسلانين بتوع دلوقتي

    تحياتي

    ردحذف
  11. معلومات جدا قيمة عن تاريخ حافل .. فهي جديدة علي جدا..

    لك مني كل الود والتقدير أخي في الله ونفع الله بك الأمة الإسلامية العربية.

    ردحذف
  12. انتي تنوري يادنيا....احنا بنعمل رحله ف العيد الكبير كل سنه ان شاء الله السنه الجايه تكوني معانا و تنوري البلد عندنا
    و هاتي اللي تجيبيه بلدنا تساع من الحبايب الف بس مش اكتر من كدا عشان دي قرية تهجير بنتها حكومه غبيه ف الستينات و مقدروش اننا ممكن نولد و تزيد اعدادنا
    تحياتي

    ردحذف
  13. الشجره الأم
    شكرا جزيلا ....نحن كنوبين نملت تاريخ كبير ترفض الحكومه المصريه تدريسه ف المناهج التعليميه علي عكس الحكومه السودانيه او غيرها من الحكومات الافريقيه و الاوروبيه ايضا
    تحياتي

    ردحذف
  14. مساء الخير
    مارضيتش اتخانق في مدونة مواطن مصري قلت يعني مش معقول
    قلت اجي هنا ونتخانق براحتنا بقي
    وخلي بالك في اتنين عساكر علي باب المدونه
    يعني احتياطي حاجه تطير كده تطير كده
    اصل انا زربونه فخايفه عليك

    بتقول ان
    (الشعب المصري بيمارس اشكال من العنصريه ضد الاقليات الموجوده فيه زي الاقباط و النوبين و البدو و الامازيغ كمان)

    الكلام ده ازاي يعني وايه دليلك عليه
    والامازيج دول مش في الجزائر

    بقي الشعب المصري الطيب الغلبان بيعرف يتهض
    حد
    انا مش بحث الكلام ده خالص
    بره واضح اكتر مجرد ماتعيش هناك مش تروح سياحه وترجع
    لا
    تعيش هناك وهتشوف العنصريه علي اصلها

    تحياتي

    ردحذف
  15. اولا الامازيغ قبائل تمتد من غرب النيل حتي المحيط الاطلنطي يعني سيوه و الواحات الدالخه و الخارجه و الفرافره و السلوم و مرسي مطروح امازيغ.
    ثانيا نعم المجتمع المصري عنصري انا هاكلمك عن عنصريته ضد النوبين لاني نوبي فقط لاغير
    التاريخ النوبي لا يدرس ف مدارس و جامعات مصر مع ان النوبه كان ليها تاريخ منفضل لحد القرن ال17 تقريبا و كانت ممكله كبيره و بعدين 3 ممالك"كوش و مرواو و نباتيا" و بعدين اقليم تابع لمصر و السودان و بعدين قسمها الانجليز علي الدولتين ف نهاية القرن ال19
    لا يوجد اهتمام بالفن النوبي ف كليات الفنون وانا ليا تجارب شخصيه ف الكليه مع الموضوع دا
    لا يتم تدريس اللغه النوبيه ف المدارس و الجماعات المصريه مع انها بيتم تدريسها ف السودان و ف كندا و ف نص دول الاتحاد الاوروبي
    الاعلام المصري اتعود انه يسخر مننا و يطلعنا بوابين و سفرجيه و الناس بتتفرج و مبسوطه مع ان وزير الدفاع نوبي و في قيادات ف مصر نوبيه و نجوم كبار
    الشعب االعربي عامة عنصري ضد الاقليات..دي حقيقه مش افتراء و احنا بنحلم بتغيرها
    شكرا لك يادنيا ياتعباني معاكي
    تحياتي

    ردحذف
  16. التاريخ النوبى حافل بالابطال والملوك وانا استمتعت
    بالمدونة الخاصة بك .
    ليه ملحوظة انت بتشتكى من الاضطهاد والعنصرية
    مع انك فى غاية العنصرية تجاه قبيلتك جعلت العلياب باجنحة يحلقون فى سماء قرشة والباقى عبيد
    مع اننا سلالة الاشراف لنا حق التفخر جمبعا .
    لكن احسنت يا باسم ايها اليسارى النوبى

    ردحذف
  17. هههههههههههه
    لا والله دا انا حتي قلت ان الجوهراب هو اكتر عدد و بعدين انا قلت اننا عندنا العمديه بس و دي حقيقه مش عنصريه او شئ اخر
    عامة شكرا لحضرتك نفرتاري النوبه
    و اتمني انك تتابعي المدونه دايما و هاطمع كمان انك تعملي مدونه نوبيه تانيه عشان نوري الجورباتيه نفسنا و حقيقتنا
    شكرا
    تحياتي

    ردحذف
  18. الاخت العزيزه شكرا على تعريفك اهلنا بأصولهم حيث انني من العونلاب من كشتمنه من الخطاباب بيت الخضيراب ولاكني جدودي رحلوا الى بنبان بحري واحب ان اعرفكم على نسب العونلاب فاناالشريف اشرف بن عبد الهادي بن حسن بن ابراهيم بن محممدجابر بن خضر بن رمضان بن حسين بن خطاب بن حمد بن عبدالله بن عون الله بن نجم الدين بن رضوان بن علي بن سراج الدين بن عيسى بن السيد محمد ابو جعافر بن يوسف المغربي بن ابراهيم بن عبد المحسن بن حسين الفاسي بن محمد بن موسى بن يحيى بن عيسى بن علي التقي بن محمد المهديبن حسن العسكري بن علي الهادي بن محمد الجواد بن علي الرضا بن موسى الكاظم ين جعفر الصادق بن محمد الباقر بن الامام علي زين العابدين بن الامام الحسين بن الامام علي بن ابي طالب والسيده فاطمه الزهراء بنت سيدنا محمد رسول الله صلى الله عليه وسلم .
    اخيكم اشرف الديب deeb.ashraf @yahoo.com

    ردحذف