الجمعة، 5 يونيو، 2009

مزاد


مزاد مزاد نبيع العباد.......مين يشتري و مين اللي زاد
أيوه ياسيد بميه الولد.........أيوه يا هانم ميتين الصبية
مين يشتري .....و مين اللي زاد .
مين اللي يطلب عبيد ينحتوا في حقل الدرة.......
و مين اللي يطلب مماليك تموت عشان البلاد .
مزاد مزاد نبيع العباد.......مين يشتري و مين اللي زاد
أيوه ياسيد خمسين للولد .....أيوه ياهانم بميه الصبية
ياسادة النخاسه ليه كل عام يقل التمن.....حتي الخساسة تكون في التمن
أبيعك أخويا بعشرين ريال .....و أمي و مراتي بساعة رمال
مزاد مزاد نبيع العباد......مين يشتري و مين اللي زاد
أبيعك هدومي بحبة سلال....... و شرفي و عرضي بعشرة جمال
فما بالك بلادي و ولاد بلادي.......ياعم زود و هات الغلال
مزاد مزاد نبيع العباد.......مين يشتري و مين اللي زاد
أيوه ياهانم الواد بميه .....أيوه ياسيد عشرين للصبية
بخمسة دراهم أبيعك نبيي......بدرهم و ضحكة نبيع الكتاب

ليست هناك تعليقات:

إرسال تعليق