الأربعاء، 29 مايو، 2013

عن بلد بلا جنــوب

لم يصل ارسال الراديو الي النوبه الا ف بداية الستنينات عندما احتاج عبد الناصر"الزعيم" ان تصل خطاباته لهؤلاء الذين تذكر فجأه ان عليه تهجيرهم من اجل المشروع القومي العملاق السد العالي و لحقيقة الامر لم يتذكر ناصر ونظامه من العسكر الوطنين من قادة الثوره المجيده او حركة الجيش المجيده اي شئ عن النوبه والنوبين لا البشر ولا المعابد حتي وصل سفير الامبرياليه ورجل الاستعمار الامريكي ف مصر سفيرها ف القاهره ف رحله مع ثروت عكاشه ونبه السفير الامبريالي السيد وزير الثقافه والمفكر والمبدع ان ف اثار وف ناس فبدات مصر حمله دوليه لتفكيك اثار النوبه ونقلها شمالا ف منطقه اكثر امانا وشارك اليونسكو ف المشروع مقابل الحصول علي مجموعه من المعابد اهمها معبد دابود"قريه نوبيه" ف مدريد حاليا و معبد دندور في متحف المتروبوليتان في نيويورك حاليا ايضا
ثم تذكر ناصر الزعيم ف الايام الاخيره للمشروع وقبل تحويل مجري النيل النوبين فبدا ف بناء مقابر صغيره شمالا عند جبل السلسله شمال كوم امبو بعيدا عن النيل والحياه ف قلب الصحرا وتمت الهجره الكريمه شمال السد.
ليست هذه هي القضيه...........
لقد تم تهجيرنا منذ اكثر من نصف قرن ومساله العوده هي مانسعي اليه ولكنها بايدينا نحن ولاتحتاج اي خطابات او كتابات بقدر ماتحتاج الي عمل
ولكن مايحتاج للكتابه عنه هو مصر....الوطن الام الذي شارف علي نهايته وضياعه
وطن لم يحفظ ابنائه من اي مكان لم يحفظ سوئ الاغنياء و رجال السلطه وفقط
مصر دوله لها 3 جهات حولها فقط شمال_شرق_غرب وفقط....دوله بلا جنوب
حاربت مصر ف القرن الـ20 اكثر من مره وان كانت خسرت اغلب هذه الحروب فليس هذا ايضا هو محور حديثي..ولكن كل هذه الحروب كانت ف الاتجاهات الـ3 المذكوره
الحربين العالميتين الاولي والثانيه والتي اشتركت فيها غصب عنها كانت لخدمة الاستعمار الشمالي....ثم تلتها حروب فلسطين و1956 واليمن وحرب الرمال ف الجزائر ولم تلتفت مصر ابدا لجنوبها الاسود المهمش المنسي بدءا من النوبين مرورا بالسودان وصولا لقلب افريقيا واعظم دوله شرقها"اثيوبيا" المذكوره مع حضارة كوش جنبا الي جنب ف الانجيل
لم تتعامل مصر مع جنوبها الافريقي الا من خلال نظره استعماريه واستعلائيه ظهرت بتجلي ف ازمه انفصال السودان بعد الثوره المجيده في 1952 وتظهر صورة مسئول المفاوضات صلاح سالم ف السودان راقصا لتعبر عن مدي جهل المصريين بالجنوب واهله وناسه وعاداته وتقاليده وسياساته



لم يتوقف صلاح سالم عن رقصه حتي انفصلت السودان عام 1956 ولا اعتقد انه توقف عن رقصه حتي الان فبعمل سيرش بسيط علي جوجل عن افريقيا او قبائل افريقيا بالتحديد ستجد عشرات اللينكات عن قبل افريقيا العاريه واكلي لحوم البشر والرقص الافريقي اللي يجنن ولاتجد بحث علمي واحد او خبر حقيقي او منطقي فيستمر الرقص الجنوني لصلاح سالم بملابسه الداخليه كالمجانين ف افلام اسماعيل يس قديما

قبل الثوره المجيده وف تلاتينات القرن الـ20 عندما بدات تعلية خزان اسوان للمره التانيه اعلن احد النواب النوبين ف البرلمان بان النوبين يريدون تطوير مدرسة عنيبه فرد عليه احد باشوات الشمال الاتراك علي مصريين علي سنه انجليزي وباللفظ"ولما النوبين يتعلموا مين يشتغل عندنا سفرجيه وبوابين!!؟" ويبدو ان هذا السؤال لم يجد له جوابا حتي الان فمازالت السينما المصريه والادب المصري يتعاملان مع النوبي انه عثمان او عم ادريس البواب او السفرجي وكذلك اعلب المجتمع المصري المريض بابغض انواع العنصريه.. عنصريه ضد ذاته الاصليه
ينسي اغلب المصريين العاديين او السينمائين او الكتاب والمؤلفين ان وزير الدفاع الذي قتل نص شباب الثوره نوبي..طنطاوي الكلب نوبي يعني عصر البوابين والسفرجيه انتهي
يتناسون ايضا ان اغلب بوابين مصر منذ السبعينات والتمانينات تقريبا صعايده وفلاحين انما النوبين بطلوا الكلام دا وبقوا مهندسين ودكاتره وظباط ومديرين وكتاب وشعراء وغيره وغيره
ينسون ايضا ان اول شهيد سقط محاربا كامب ديفيد والسلام مع اسرائيل كان المحامي النوبي الشيوعي عمنا الشهيد زكي مـراد
ينسون هذا كله ويتذكرون عم عثمان وعم ادريس
لم تنل النوبه فقط نصيبها من التريقه وقلة الادب المصري العظيمه بل طالت افريقيا وكل انسان اسود علي كوكب الارض من اول عادل امام ف فيلمه الفاشل التجربه الدنماركيه"جوزني البت دي واديك 40 بجره" لحد حماده هلال ف فيلمه الافشل"عيال حبيبه وهو مطلع سليمان عيد اسود وبيتريق عليه هو واصحابه مروروا بمئات الافلام والمسرحيات والمسلسلات ولم يخلو الامر من عاهرات السينما والمجتمع انتاج شارع الهرم امثال فيفي عبده واخواتها ولا اجد هذا الامرغريب فمصر تحولت ف الـ30 عاما الاخيره الي شارع هرم كبييير والخلايجه سايحين فيه براحتهم

عندما تحرك النوبين من اجل حقوقهم التاريخيه ف الارض والثقافيه و الاجتماعيه في التنميه وغيرها تذكر المصريين النوبه والنوبين والسد والمشروع العملاق ولكنهم اضافوا لكل هذا اننا انفصالين نريد فصل النوبه عن مصر بمخطط ماسوني صهيوني وكأن الماسونيه المزعومه والصهيوينه معندهمش شاغل غير بلد فاشل بتقطع الكهربا فيه يوميا 4 ساعات و احيانا اكتر.
اذا كانت هذه رؤيه شعب مصر العظيمه فشخ لجزء من نسيج هذا الشعب وهم النوبين فماذا سيري هؤلاء ف اثيويبا!!؟؟
اثيوبيــا تبني السد....ومصر تحاربه
مصر تبني السد..وامريكا تحاربه
مصر ف شرق افريقيا زي امريكا ف كل مكان ف الكوكب وبرا الكوكب كمان
دوله استعماريه استعلائيه جاهله يحكمها شوية متخلفين فاكرين نفسهم فاهمين ف كل حاجه وهم شوية بق
الوهم الامريكي انكشف ف فيتنام جوا الغابات وف قلب مزارع الارز
والوهم المصري انكشف ف سيناء 1967
لم يري الشعب المصري شيئا ف السد الا نفس المؤامره الماسونيه الصهيونيه التي يدبرها 99% من سكان الكوكب ضد مصر ولم يدرك هؤلاء ان مفيش حد ف الكوكب دا او الكواكب المحيطه به يعرف مصر غير بشوية المعابد والاهرامات اللي بناها اجدادانا من 7 الاف سنه وانتهي الموضوع علي كدا لكن مصر الكنانه وهبة النيل ومنارة العلم وام الدنيا دا ف الاحلام وبس
الثورين والكنباويه والاسلامجيه والفلول كلهم اجمعوا علي شئ واحد ان السد دا مؤامره ضد مصر وكل واحد بيحاول يكيف المؤامره لحسابه الشخصي او لحساب انتماءاته الفكريه لكن محدش الا من رحم ربي هو من فكر ان السد دا هيفيد الشعب الاثيوبي..هينور بيوت ماليها الظلام والموت
هيوصل الميه لبيوت مفيهاش غير الفقر والقهر والذل
هيزرع اراضي بارت من الظلم والاستعباد
هيشغل شباب بيهاجر يموت ف اوروبا ويعيش ذليل
محدش فكر ان شعب اثيوبيا بيحلم بالسد وبيستناه بقاله سنين وسنين
محدش فكر ان الجنوب دا مننا وعلينا
الجنوب دا احنا
الجنوب دا هو فقرنا وفشلنا وصمتنا
عشان كدا وعشان حاجات كتيييير اوي انا بأيد سد النهضه و اي سد هتنيه أثيوبيا
عشان انا مؤمن بحق الشعب الاثيوبي ف الحياه
عشان انا منشكح من نظرة الخوف ف عيون المصريين من شوية ناس عراه اكلي لحوم بشر بيقولوا اوجواجواجواجواجواجواجوا هوهوهوهوههو ناناناناناننانا"حسب رأي السينما المصريه :)"
مبسوط ان الناس دول السود دول اهلي الحقيقين فشخوكوا ف  افكاركم ياعنصرين ياولاد المره
مبسوط لاني بعد كدا ممكن امشي ف الشارع من غير ماحد يقولي ياسماره او ياشيكولاته
مبسوط لان لو قامت ثوره تاني محدش هيسالني ويقولي "هو الاستاذ سوداني؟؟؟والله كويس انكم جايين تشاركونا ف ثورتنا"
......
انا أؤيد حق الشعب الأثيوبي
انا اؤيد سد النهضـه


هناك 18 تعليقًا:

  1. رغم اعتراضى على اسلوبك اللى مليان سب وقذف وهجوم ... بس متفق جدا مع تأيدك لأحقية الأثيوبيين فى التفكير فى تنمية بلادهم .. وكمان متفق معك فى ان الحكومات والأنظمة المتعاقبة فى مصر ومنذ محمد على ( وده لأن محمد على هو مؤسس مصر الحديثة ) وحتى يومنا هذا يتعاملون مع الجنوب بأذدراء وعنجهية غير مبررة ... وأخرجوا الجنوب من تفكرهم فى الأمن القومى والعلاقات الأستراتيجية ..وفى المجمل متفق معك ومتضامن غم اختلاف ورفضى لأسلوب السب والقذف

    ردحذف
  2. أزال المؤلف هذا التعليق.

    ردحذف
  3. تدوينة اكثر من رائعة ...مليووووووووووووون لايك

    ردحذف
  4. اولا مبسوط ياخال انك علقت عندي ع المدونه
    ثانيا بخصوص اسلوب السب والقذف فدا تفريغ لحالة غضب جوايا مش اكتر وظهر ف التدوينه تعبيرا عن الحاله دي

    ردحذف
  5. شكرا يااماني
    ربنا يكرمك

    ردحذف
  6. كلام جميل اتفق معه كلو

    ردحذف
  7. طب متعامل سد اثيوبيا زى السد العالى و فكر فى الغلابة اللى هيتهجروا هناك زى النوبة عندنا بسببه ... كره عبدالناصر اوفر راتيد #تناقض

    ردحذف
  8. اولا انا مبكرهش ناصر..انا بقول حقايق
    ثانيا انا مش ضد السد العالي بالعكس دا مشروع قومي عملاق وانا مؤيده لحد النهارده كمان
    ثالثا التهجير مش هو الازمه لكن طريقة التهجير والتعامل معانا هو الكارثه الكبيره
    انا مش ضد التهجير انا ضد اننا مشاركناش ف اختيار مكان تهجيرنا واترمينا ف مراكب البهايم عشان يرحلونا
    لو اثيوبيا هتحترم شعبها وتعامله معامله ادميه ف التهجير فانا معنديش ازمه
    وياريت تبقي تقول اسم حضرتك بعد كدا

    ردحذف
  9. احمد البحراوى29 مايو، 2013 7:22 م

    يعنى انا كنت عاوز اشير التدوينة الفشيخة دى ياعم انت ، لازم شوية العنصرية المضادة اللى ف الاخر دى ؟!
    عاش

    ردحذف
  10. مقال رائع و لكن انت حاد عاى بلدك اوى

    ردحذف
  11. ليه طب الحده فى المقال اكيد فيه بعض من الناس عنصريين بس اكيد كمان فيهم من كان صديقك واخا لك وفيهم من كان يحترمك لعقلك لا يهينك للونك وبعدين احنا لازم نفصل بين العنصريه بين ابناء الشعب الواحد وبين اضرار ممكن تحصل للوطن الى احنا عايشين فيه

    ردحذف
  12. للأسف الشعب المصري عنصري تجاه ذوي البشرة السمراء
    و يصبح عبد للأصحاب البشرة البيضاء الأوروبيين و الأتراك

    حتى المماليك الذيت أتوا كعبيد لأن المصري رأى فيهم السيادة بسبب لون بشرتهم


    ترانا نسخر من الهنود أيضا

    ردحذف
  13. بغض النظر عن شوية العنصرية المضادة اللي في المقال ..
    بس سد النهضة مش زي السد العالي .. اثيوبيا توقفت من زمااااان عن كونها بيوت من غير كهرباء واراضي محتاجة مياه حتى لو احنا فضلنا شايفنهم همج ..
    ومع ذلك انا مع كامل حقهم في بناء السد لكن مع ابداء احترام اكبر لدول المصب لو هيتاثروا بيه ..
    وحتى دي مش بحمل مسئوليتها ليهم لكن بيتحمل مسئوليتها القيادة الوسخة الضعيفة اللي عندنا اللي رايحة تجري ورا العالم وسايبة افريقيا وسايبة كل الدول اللي ظروفها زينا ومصرة تتمحك في دول عظمى نمشي في ضلها !!

    ردحذف
  14. بصراحة شديدة انا استحقر النوبيين و عنصريتهم المقيتة ضد مصر
    انا استحقركم لانكم عايزيين تسلبوا تراث بأكملة و تنيبوة ليكم لوحدكم
    انا استحقركم لانكم عايشيين وهم العظمة مع العلم انكم لا شئ

    ردحذف
  15. تدوينة مهمة لهموم النوبيين و احساسهم ناحية الظلم و التجاهل المتعمد من الدولة و من معظم المصريين.. حاجة نقدر نختصرها بأنها حاجة خرا على الاخر..

    يهمنى اعلق على نقطة سد النهضة, انا من الناس اللى سألت عن مدى حاجة اثيوبيا للسد و مدى فايدته للناس فى اثيوبيا, مقدرتش اوصل لاجابة محترمة فى وسط الشحن و الهرتلة و كلام من قبيل فين السادات اللى لو كان موجود كان زمانه ضرب اثيوبيا و الكلام المقزز ده..

    عندى استفسار اخر فى نفس الموضوع و هو انه اذا كان فيه نوبيين تم تهجيرهم قسريا لبناء سد يخدم البلد, فهل فى اثيويبا ناس هيعانوا من نفس الظلم بسبب السد؟ ده بغض النظر عن مصر.. و بتساءل هل كان فيه طريقة اخرى لاقامة السد من غير تهجير وظلم؟؟ انا جاهلة اوى فى الموضوع ده فآسفة على اى اسئلة سطحية او بلهاء...

    شكرا على التدوينة المهمة و المدونة الرائعة بشكل عام..

    ردحذف
  16. sam9
    اولا السد يعني تهجير واكيد ف ناس هيتم تهجيرها من اماكنها لبناء سد النهضه لكن الفيصل مش فكرة التهجير بقدر ماهي العمليه اللي بتتم او كيفيه التهجير ذاته
    ف مصر لما تم تهجيرنا دا تم بعيد تماما عن الانسانيه والادميه وبعيد تماما عن التفكير والتخطيط المنطقي لدوله زي مصر
    السد مفيد للشعب الاثيوبي ومفيد لاي دوله علي حوض النيل هتقبل تشتغل مع الحكومه والشعب الاثيوبي وتساعدهم ف تحقيق رغبتهم ف تطوير بلد فاي دوله هتعمل دا هتكسب تطوير لنفسها برضه

    ردحذف
  17. وانشالله تظهر البلاد النوبيه ويبقى النيل امامنا والذى يفضل ترسل لهم

    ردحذف